LIPUMBA ASHINDA UENYEKITI CUF

PROFESA Ibrahim Lipumba amefanikiwa kuitetea nafasi yake ya uenyekiti wa Chama cha Wananchi(CUF) ambapo ataongoza tena kwa kipindi cha miaka mitano.Akitangaza matokeo hayo leo usiku katika mkutano Mkuu wa nne wa chama hicho, Mkurugenzi wa Uchaguzi wa chama hicho ambaye ni Mbunge wa Gando, Khalifa Suleiman Khalifa alisema kuwa Lipumba ameibuka kidedea kwa kupata kura 646 na kuwabwaga wapinzani wake Stephen Massanja aliyepata kura 10 huku Profesa Abdallah Safari aliambulia kura sita na kura tatu ziliharibika. Jumla ya kura zilizopigwa zilikuwa 665. Ushindi huo wa Lipumba utakuwa umemuwezesha kukiongoza chama hicho kwa kipindi cha tatu cha miaka mitano. Alianza kukiongoza chama hicho mwaka 1999 baada ya kumrithi Musobi Musobi.Kwa upande wa Makamu Mwenyekiti, Machano Khamis Haji ameweza kuitetea nafasi yake kwa kupata kura 644 wakati kura tano zikiwa zimeharibika na kura nne za hapana