SHIRIKISHO LA BONGOFLEVA LAANZISHWA

Shirikisho la wanamuziki wa muziki wa kizazi kipya yaani Bongofleva linaloitwa (Tanzania Flavour Unity) limeanzishwa na tayari limekwishapata viongozi wake katika mkutano uliofanyika wiki hii siku ya jumatano katika viwanja vya Leaders Club ambapo mkutano huo uliratibiwa na mmoja wa wadau wakubwa wa muziki Ruge Mutahaba wa Radio Clouds.
Aliwataja viongozi waliochaguliwa na kuongoza shirikisho hilo na vyeo vyao kuwa ni Lady Jay dee ambaye alichaguliwa kuwa Mwenyekiti, TID alichaguliwa kuwa makamu mwenyekiti, Banana Zorro alichaguliwa kuwa Katibu mkuu, Jay Moe alichaguliwa kuwa Msemaji wa shirikisho hilo, amesema katika mkutano huo waliazimia kufanya vikao kila wiki ili kuhakikisha kuwa mipango yao inakwenda kama ilivyotarajiwa.